මචං නෝටි.... මේ උඹ කලබල නොවි ඔහොම්ම කෙල්ලොන්ගේ පැත්තේ දෙවනි තුන්වෙනි පේලියේ දෙවනියට ඉන්න කෙල්ල දිහා ෂේප් එකේ බලපන්....
ඈහ් ඒ මොන ඉල්ව්වකටද බන්. මෙන්නෙ මෙහේ වරෙන් මේ ප‍්‍රශ්ණවලට උත්තර ලියන්න.
උත්තර කොයි වෙලාවේ නම් ලියන්න බැරිද බන්.පොඞ්ඩක් බලපන්. ඒක් උඹේ දිහැවේ දැන් ගොඩක් වෙලා ඉදන් බලන් ඉන්නවා...
යාලූවනේ කලබල වෙන්න එපා මේ මොන මංගල්ලයක්ද කියාලා. මේ නෝටියා ලියන්න හදන්නේ නෝටියාට වැරදුන තැනක් ගැන. ඒ කිව්වේ අප්පරිය වෙච්ච අතීතයක් ගැන. මගේ නෝටිච්චියේ උඹ දුක් වෙන්න එපා පරණ දේවල් මතක් කරලා නෝටියා ආයේ දුක් වෙයි කියලා. මේ කතාව නෝටියා ලියන්නේ ඒ අද්දැකිම් වලින් තව කවුරුහරි දෙයක් ඉගෙන ගනීවි කියලා. නෝටියා උඹට පණ වගේ ආදරේ බව උඹ දන්නවා නේද?
කෝ කවුද බන්.
අර ඉන්නේ යකෝ ස්කූල් යුනිෆෝම් එකෙන්.... අර කණ්නාඩි දාපු කෙල්ලට එහා පැත්තේ....
අඬේ ඔව් නේන්නම්. බාලිකාවේ කෙල්ලෙක් නේද බං. ඕකුංව විස්වාස කරන්න බෑ රොටියෝ.
මේ දේ උනේ අපේ කම්බයින්ඞ් මැත්ස් ක්ලාස් එකේදි. ඒලෙවල් කාලේ නෝටියාගේ සෙට් එක උනේ
රොටියා...
කිඹුලා...
පොල්කිච්චා....
කයිතං....
නොටි... (මේ මං)
අපි සෙට් එක 5හේ කල්ලිය කියලා තමයි රෙජිස්ටර් වෙලා තිබුණේ. අපේ මැත්ස් ක්ලාස් එක ග්රූප් ක්ලාස් එකක්. මැඩම් කෙනෙක් තමයි ක්ලාස් එක කලේ.
(සමන් මැඩම් කියලා කියමුකෝ....)
මැඩම්ගේ අපි ආසම කරපු දෙයක් තමයි අපිට ගොඩක් හිතවත් ඒ වගේම ළමයින්ට කතා කලේ අපි අපි අතරේ තියන කාඞ් වලින්.
මම කිව්වනේ අපේ සෙට් එක 5හේ කල්ලිය කියලා රෙජිස්ටර් වෙලා තිබුණේ කියලා.ඉතිං ක්ලාස් එකේ ළමයි 20ක් වගේ හිිටිය නිසා අපි සෙට් එක මැඩම්ට නෝටි වෙනවත් වැඩියි. ක්ලාස් එක දෙවනත් කලේ මේ 5හේ කල්ලිය තමයි. ඒ උනාට කවදාවත් අපි සෙට් එක චා වෙලා නෑ. සමන් මැඩම් අපේ සෙට් එකට වැඩි අවධානයක් යොමු කරන එකත් ඉබේම උණු දෙයක්. අනිත් ළමයින්ට වඩා මැඩම් අපිට ආදරේ කරුණාව පෙන්නුවා.
ඔන්න ඔය කියන දවසේ තමයි අපේ කම්බයින් ක්ලාස් එකේ මුල්ම ටෙස්ට් එක තියලා ලකුණු දුන්නේ... නෝටියාට ඒ දවස නම් කවදාවත් අමතක වෙන්නැ. මොකද දන්නවද අපේ 5හේ කල්ලිය තමයි වැඩිම ලකුණු අරන් මැඩම්ගෙන් පෑන් ගත්තේ.
(සමන් මැඩම් අපේ හැම ටෙස්ට් එකකම වැඩිම ළකුණු ගන්න ස්ථාන 5ට පෑන් දෙනවා. හැම මාසෙකම තියන ටෙස්ට් වලින් පෑන් ගන්න තමයි අපි හැමෝම වලිකන්නේ....)
නෝටි - 91
පොල්කිච්චා - 91
රොටියා - 89
කයිතං - 85
කිඹුලා - 81
ඔන්න ඔය විදියට අපි 5හේ කල්ලිය පෑන් අරගත්තා සමන් මැඩම්ගෙන්. මැඩම් එදා කියපු කතාව තමයි...
මගේ දරුවනේ.... කවදාවත් ජීවිතේ පසුබහින්න හොදනැ. එහෙමයි කියලා අනුන්ට ඉරිසියා කරන්න හොද නෑ. හැමෝම උත්සාහ කරන්න ඕනි ජීවිතේ සාර්ථකත්වයට යන්න. මම මගේ දරුවෝ හැමෝටම කියන්නේ ඒක තමයි.
ඒ වගේම අද වැඩි ළකුණු ගත්ත 5දෙනා ඔලූව උදුම්මාගන්න නරකයි දිණුම් කියලා. අර මම කලිං කියපු දේ කිවේ එයාලටත් එක්කම තමයි. ඒ වගේම තව තවත් ඔයාලා සේරම මහන්සි වෙන්න ඕනි.
ළකුණු දිලා ඉවර වෙලා මැඩම් ක්ලාස් එකට පොඞ් විවේකයක් දුන්නානේ... ඔන්න ඉතිං අපි පුරුදු විදියට සෙට් එකත් එක්ක එළියට බැස්සා මොනවා හරි කොටා බාලා එන්න.
මචං නෝටි.... අද දවස තමයි හොදම දවස. උඹ අර කෙල්ලට වදනක් දාලා බලපන්.
ඔය කොරලා තියෙන්නේ ලෙසටම.අපරාදේ කියන්න බැ රොටියා ලස්සනට රොයිටර් සේවාව දියත් කරලා තියනවා. නෝටිත් ඉතිං බබානේ.... නෝටිත් ඉතිං ඇහුවා කිඹුලගෙන්....
මොන කෙල්ලටද බන්....
අනේ මේ උඹ මගෙන් මොනවත් නාහා ඉදින්. උඹ බබා.... අර උඹ දිහා බලන කෙල්ල... අනූපමා.....
අම්මදබොල ඒකි අනුපමාද.... යකෝ මුංව තියන් වටින්නැනේ. ඒ ටිකට මුලූ පැටිකිරියම සොයාගෙන වගේ...
ඒකිගේ නම අනූපමාද බන්.
හ්ම්.... ඒකි අපේ ගෙවල් පැත්තේ ඉන්නේ.... මොකද කියන්නේ අපි වදනක් දාලා බලමුද....
එපා බන්.... ඕන නෑ.... අපි ඉස්සර වෙලා විභාගේ ගොඩ දාගෙන ඉමුකෝ....
නිද්දකිං විතරක්.... චාටර්නේ බං.... දෙන දෙයියෝ ටොකු ඇණ දෙනවා මේකා බකංනිළං බඩ උලං ඉන්නවා....
ඒ කයිතංගේ කට. මේකා කතා කරන වචන 100ක් ගත්තොත් 70ක්ම චාටර්නේ බං තමයි...
මොන.... මොනවා කිව්වත් මුංගෙන් බේරෙන්න බෑ. ආයෙමත් ඔය ගැන කතාවක් එන්න කලිං මාලූ නැති අල පාං ටිකක් බඩට ඔබාගෙන සෙට් එක ක්ලාස් එකට දක්කං එන්න නෝටිට පුලූවන් උනා.
ඔය විදියට අපි 5හේ කල්ලිය අවුරුද්දයි මාස 3ක් හැලහැප්පීමි මැද්දේ අපේ ගමන සාර්ථකව ආවා. ඒ වෙනකොට 5හේ කල්ලියේ හිටියේ සෑහෙන්න බ‍්‍රයිට් කේස් ටිකක්. නෝටි ඒ වෙනකොට සමන් මැඩම්ගෙන් පෑන් 11 අරං තිබූනේ... අපි සෙට් එකම සැහෙන්න හොද මට්ටමක හිටියා...
එදා තමයි නෝටිගේ පැන් 11 පෑන් 12ට වැඩි උන දවස. ඒ කියන්නේ අපි ඒලෙවල් ලියපු අවුරුද්දේ මාර්තු මාසේ දෙවනි සදුදා. පුරුදු විදියටම ටෙස්ට් එකේ රිසල්ට් දිලා මැඩම් බ්‍රේක් එකක් දුන්නා බඩවල් පුරවා ගන්න.
අපි සෙට් එක ක්ලාස් එකෙන් එළියට යන්න හදවත් එක්කම වගේ
පොල්කී... (මේ කාලේ වෙනකොට පොල්කිච්චාට අපි ආදරේට කිව්වේ පොල්කී කියලා)
අප්පට සිරි. ක්ලාස් එකේ ඉන්න ඉටිකිරිස් කෙල්ලෙක් පොල්කිට කතා කරනවා. ඔය ඇති ඉතිං අපිට ඕකගේ කරේ යන්න ගෝනි නැතිව. ඔන්න ඉතිං පොල්කිත් ඒ කෙල්ල එක්ක විනාඩියක් දෙකක් කතා කර කර ඉදලා අපි ළගට එනවා යමං කියාගෙන.
දැං ඉතිං අපි සෙට් එක පොල්කිව හුරේ බයිට් කරනවා. මූත් සද්දේ වහලා කඬේට යනකම් ගියා.ඔන්න මේකා කට ඇරියේ කෑම කන්න වාඩි උනාට පස්සේ.
මචංලා.... අර වෙලාවේ මං එකක් කතා කල කෙල්ල තමයි මංසලා.මංසලා කියන්නේ අනූපමාගේ හොදම යාලූවෙක්. මංසලා කියනවා අනූපමා නෝටි ගැන ගොඩක් ආදරේන් ඉන්නවලූ.ඒත් නෝටි ඒකිව ගනන් ගන්නැති නිසා ඒකි ඉන්නේ සෑහෙන්න අප්සෙට් එකේලූ. මේ විදියට ගියොත් ඒකි ක්ලාස් එන එකත් නවත්තයිලූ. නොටිට අනූපමාව මීටි වෙලා එයාගේ පොඞ්ඩක් හිත හැදෙන්න කතා කරන්නලූ....
දැන් මොකද උඹ කියන්නේ නෝටි...
අප්පදබොල ඇදිලා තියෙන්නේ කෝටියේ වාසනාව. මිත්තර සමාගමේ යෝජනා චෝදනා නැවකට. හැමෝන්ගේම අදහස් අනුව නෝටි තිරනේ කලා ගිහිල්ලා අනූපමාට කතා කරන්න. ඕං ඉතිං පොල්කි ගේ මාර්ගයෙන් මංසලාට කිවිවා අනූපමාව මිට් වෙන්න එන්නම් කියලා.
එදා සෙනසුරාදා දවසක්. එදා තමයි නෝටි අනූපමාව මීට් වෙන්න කන්දේ පල්ලියට එන්න කියපු දවස.ඔන්න ඉතිං නොටි කල්ලිය පල්ලියට බැස්සයි කියමුකෝ අනුපමා එන්න කියපු වෙලාවට පැය භාගයක් විතර පරක්කු වෙලා. ඒකි තනියම ඇවිත් හිටියේ. අපි සෙට් එකේ නිවාඩු පාඩුවේ ඉන්න පල්ලියේ එහාපැත්තේ තියන අරලිය යාය ප්ලේස් එක. අපේ උන්ටික අනුපමා එක්ක කතා කරන්න වාන්ස් එක දීලා ෂේප් උනා විතරයි අනූපමා කතා කරන්න පටං ගත්තා.
නෝටි.... මම දන්නැ මම මේ ආව ගමන හරි දෙයක්ද කියලා.ඒත් මම මේ ආවේ මට තවත් ඉවසන් ඉන්න බැරි නිසා නෝටි. ඔයා හොදටම දන්නවා නෝටි මම ඔයාට ආදරේ කරනවා කියලා. මම ඒක ඔයාට ගොඩක් අගවලා තියනවා. ඒත් ඒ හැම වෙලාවකම ඔයා හැසිරුනේ මොකවත් නොදන්න බබෙක් වගේ නෝටි. මට තවත් මේක හංගං ඉන්න බෑ නෝටි... මම ඔයාට ආදරෙයි...
ඔන්න ඔය වගේ දෙයක් තමයි අනූපමාගේ කටින් පිට උනේ... නෝටිට උනේ අහන් ඉන්න විතරයි. ඇත්තම කිව්වොත් නෝටි කලේ අහන් ඉන්න එක විතරයි. අහ්න ඉන්න ගමන් නෝටිගේ හිත ගොඩාක් දේවල් කල්පනා කරන්න ගත්තා. නොටිගේ හිත නෝටිට කිව්වා මේකි මේතරම් ඩිරෙක්ට උඹට ආදරේ කියලා කියන්න පුලූවන් උනේ මේකි උඹට ආදරේ නිසා. ඒක නිසා ඒකිට ආදරේ කරපන් කියලා. ඔය වගේ සිතිවිලි එක්ක. පැයක් විතර යන්න ඇති. නොට් වාඩි වෙලා හිටිය තැනින් නැගිට්ටේ ඒ තීරනේට ඇවිල්ලා...
අපි යමු අනූ... දැන් ලේටි වෙනවානේ....
නෝටි අනුගේ අතින් අල්ලගෙන මගේ සෙට් එක ඉන්න දිහාවට එන්න පිටත් උනා. මායි අනුයි අතින් අල්ලන් එනඑද දැක්ක අපේ සෙට්එක බල්ටි නොගැහුවා විතරයි. ඔන්න ඔහොමයි ඒක සිද්ධ උනේ.
ඔය විදියට දින සති මාස ගෙවිලා ගියා. ඒ වගේම නෝටි අනූ ආදර කතාවත් ලස්නට ගෙතිලා ගියා. ඒ වගේම අපි ඒ ලෙවලූත් ලියලා කැම්පස් සිලෙක්ට් උනා අපි 5හේ කල්ලියම. ඒත් අනූට කැම්පස් එන්න ලකුණු මදි උනා. ඔන්න ඔතනදි තමයි ගෑනු ජාතිය කියන දේ නෝටිට තිත්ත උනේ... අනූ කැමති උනේ නෑ නෝට් කැම්පස් යනවට. ඒත් දෙයියනේ නෝටි කොහොමද නෝටිගේ අම්මිගේ තාත්තිගේ බලාපොරොත්තු බිදලා දාන්නේ... නෝටි ඒවා අනුට තේරුම් කරලා දුන්නාම අකමැත්තෙන් උනත් කැමති උනා නෝටි කැමිපස් යනවාට.
ඔය අතරේ නෝටි අනූගේ ගොඩක් ලොකු වෙනස්කම් වෙනවා දැක්කා. නෝටිට බොරුවට චෝදනා කරන්න ගත්තා නෝටි ෆැකල්ටියේත් කෙල්ලෙක් එක්ක යාලූයි කියලා.නෝටිත් එක්ක ගොඩාක් රණ්ඩු වෙන්න පටන් ගත්තා. ඔය විදියට මාසයක් විතර නෝට් මිඞ් වැකේෂන් එකට ගෙදර ආවාම 5හේ කල්ලිය සෙට් උනා. එතකොට තමයි ඒ නිවුස් එක නෝටිට දැනගන්න ලැබුනේ.
ලබන සදුදා අනු එයාගේ කසින්ව මැරි කරනවා...
දෙයියනේ නෝටි එදා ගොඩාරියක් ඇඩුවා. ගොඩාක්... හැබැයි ඒ ඇඩුවේ අනූව නැති උන නිසා නෙමෙයි. චංචාකාර කෙල්ලෙක්ට ආදරේ කල මෝඩකමට. නෝටිට නෝටි ගැනම දැනුන පිළිකුළ නිසා. එදා ඉදන් නෝටිට කෙල්ලෝ කියන ජාතිය අරහං...
ඔන්න ඕකයි ඒ කලූ පැල්ලම. නෝටි ඒකෙන් ගොඩක් දේවල් ඉගෙන ගත්තා. ඒ වගේම කාලයා ගොඩක් දේවල් නෝටිට කියලා දුන්නා. කාලෙත් එක්කම නෝටිට ගොඩක් ආදරේ කරන අහිංසකියෙක්ව නෝටිට නපුරු උන දෛවයි විසින්ම ලබලා දුන්නා. ඉතිං නෝටි දැන් සතුටින්. ඒ කියන්නේ නෝටි දිනලා...
