මගේ වසන්තය උදා විය - 2

සුජී අක්කියගේ ස්ටුඩනට් ගේ කේස් එකෙන් පස්සේ ටික කාලයක් ගෙවිලා ගියා. ඒ අතර කාලේ නෝටිය ෆේස් බුක් ඔන්ලයින් එහෙම ඉන්න වෙලාවට රුවන්ති ගෙන් (සුජී අක්කියගේ ස්ටුඩනට්, දැන් ඉදන් එයාට රුවන්ති කියලා කියන්නම්) HI පාරක් එහෙම එනවා.. ඉතින් ඒ වෙලාවට පොඩි වචන දෙක තුනක චැට් එකක් එහෙම දානවා. ඒක Friendship එකක්ම කියලත් කියන්න බෑ. ඒත් මොකක් හරි එකක්.


මිනිස්සුන්ගේ ජීවිත වලට ප්‍රශ්න කියන එව්වා එන්නේ කලින් කියලාවත්, අපිට හිතෙන වේලාවන් වලට වත් නෙවෙයිනේ, එකනේ ලෝක ස්වභාවය කියන්නේ... ඒවගේ දේකට සුජී අක්කියටත් මුහුණ දෙන්න උනා. හිතා ගන්න වත බැරි ලොකු ප්‍රශ්නයක්. (ඒ ප්‍රශ්නේ මොනවද කියලා නොලියා ඉන්නම් කෙනෙක්ගේ ආත්ම ගරුත්වෙට හානියක් වෙයි කියන බයට) හිතා ගන්නකෝ ඒක ලොකුම ලොකු ප්‍රශ්නයක් කියලා. නෝටියට හිත ගන්නවත් බැරි උනා එහෙම දෙයක් සුජී අක්කට වෙයි කියලා. කෙටියෙන්ම කිවොත් විශ්වාස කරන්නත් බැරි උනා. ඔය අතරේ තමයි රුවන්ති එක්ක නෝටිය මුලටම කතා කලේ.මගුලක් කරගන්න අදහසකින් නෙවෙයි.සුජී අක්කට වෙලා තියන ප්‍රශ්නේ ගැන කතා කරලා කරන්න පුළුවන් උදව්වක් තියනවා නම් කරන්න හිතා ගෙන.


මිනිස්සුන්ගේ ජීවිත වලට ප්‍රශ්න ආවම ඒ ජීවිත සම්පුර්ණයෙන්ම වෙනස් වෙනවලුනේ. ඔව් ඒක එහෙම්ම උනා.මම රුවන්තිගෙන් සුජී අක්කගේ විස්තර හෙව්වා කියලා එයා මමත් එක්ක හිත හොදින් නෙවෙයි හිටියේ. මම රුවන්තිගෙන් විස්තර හෙව්වේ වෙන මොකවත් නිසා නෙවෙයි, සුජී අක්කා කියපු දේවල් හීනයක්‌ වගේ දේවල් නිසා. ඒත් එයා ඒක තේරුම ගත්තේ වැරදියට. එතනින් සුජී අක්කා නෝටිය එක්ක තිබුන මිත්‍රකම හොදටම අඩු කළා.


කෙනෙක්ගෙන් දෙයක් නැති වෙනකොට ඊට වැඩ වටිනා දෙයක් සමන් දෙවියෝ නෝටියා ගේ ජීවිතේට දෙයි කියලා නෝටියා හීනෙකින් වත හිතුවේ නෑ.ඒත් ඒක එහෙම උනා..


මොන හේතුවක් නිසාද දන්නෑ නෝටියා රුවන්ති එක්කත් රුවන්ති නෝටියා එක්කත් sms කරන්නත් call කරන්නත් පටන අරන් තිබුනේ අපි අපිටත් නොදැනී..ටික දවසක් යනකොට නෝටියට නම් රුවන්තිට කෝල් එකක් sms එකක් නොයවා ඉන්න බැරි තත්වෙටම පත් වෙලයි තිබුනේ. ඒ ඇයිද කියලා නෝටියට තේරුනේ නෑ. ඒ ආදරේද නැත්තම් වෙන මොකක් හරි එකක්ද කියලා වත් හිතා ගන්න බැරිවයි නෝටියා හිටියේ. (පස්සේ කාලෙක දී එයා නෝටියට කිවා අයත් ඒ දවස වල නෝටියාගෙන් text එකක් call එකක් එනකම් ගොඩක් බලන ඉටියා කියලා.) මොකද ඒ වෙනකොට නෝටියව රුවන්ති ෆොටෝස් වලින් දැකලා තිබුනත් නෝටියා රුවන්තිව එහෙම වත් දැකලා තිබුන්නෑ. මොනවා උනත් නෝටියා උදේට ගෙදරින් යනකොට "පරිස්සමෙන් ගිහින් එන්න", ලන්ච් ටයිම් එකට "බඩගින්නේ ඉන්නේ නැතිව ඉක්මනට කෑම කන්න", හවසට ගෙදර යනකොට "දැන් ඉක්මනට පරිස්සමෙන් ගෙදර යන්න,තැන තැන රස්තියාදු ගහන්න එපා..." වගේ sms, calls නම් වැරදුනේ නෑ...


ඔය දවස වල නෝටියට ඔෆිස් එකේ පොඩි කේස් එකක් ඇවිල්ලා නෝටියා හිටියේ ගොඩක් කලබලේ..එදා නෝටියා රුවන්ති කතා කලේ වෙලේ විතරේ කියලා නෝටියා රුවන්තිට කිවා...


"අද මගේ ඔලුව හන්දටම අවුල් වෙලා වගේ, ඒ නිසා ගෙදර යන්න කලින් ගෝල්ෆේස් එකේ පැයක විතර ඉදලා යන්නම්"


...කියලා, ඒ වෙලාවේ එයා එකට මොකවත් නොකීවත් නෝටියා ඕෆ් වෙන වෙලාවට sms එකක් ආවා.


"දැන් ගොඩක් හවස් වෙලා, ඒ නිසා පුළුවන් නම් ගෝල්ෆේස් එකේ යන්නැතුව පරිස්සමට ඉක්මනින් ගෙදර යන්න"


...ඔව්, එදා නෝටියා ගෝල්ෆේස් එකේ පරක්කු වෙන්නැතුව වෙනදා වගේම ගෙදර ගියා.

****

සිහිනෙකින් වත් නොහිතපු විදිය
මොකක්ද ඒ එයාගෙන් හිතට දැනෙන ලබැදියාව...
හරියට සීතල වතුර ටිකක් මූනට ඉහිනවා වගේ...
ජීවිතේ වසන්ත සාමය ළඟ ලඟ එනවා වත්ද...?
හ්ම්ම්...
වෙන්න ඇති...
හැමදාම අමාවක නෑනේ..