නොනේ ලොකු එකනම් හරි... පොඩි එකට...

මේ පෝස්ට් එක ලියන්න කලින් නෝටි සකල වාසි සියලූ දෙව් දේවතාවුන් ගෙන් ඉල්ලා හිටින්නේ මේ පෝස්ට් එක නෝටිච්චිගේ ඇස නොගැටේවා යන්නයි.(ඒත් වැඩක් නෑ බොලව්... දැන් අපේ උන්දැත් බ්ලොග් කෙරුවාවට බැහැලා නොවැ...). නෝටිච්චි කියන්න වගේ නෝටියා නහින්නේ කට නිසා. නෝටියාගේ යාලූවෙක් (ධනුෂ්ක) වෙච්ච අයියා කෙනෙක් එක්ක මෑන්ගේ මනමාලි බලන්න ගිය කතාවක් කලින් පෝස්ට් එකේ කිව්වා මතකද මංදා........


 ඕං දැක්කේ නැත්න්ම් ගිහින් බලලාම එන්ටකෝ......


 ඕං දැං තමයි පෂ්චාත් මගුල් ප‍්‍රචන්ඩක‍්‍රියා ඇති වෙලා තියෙන්නේ... ඇගේ හී ගඩු පිපෙනවා බොලව්... වෙලා තියෙන්නේ මේකයි. අපි එදා දිලූෂා (මනමාලි) ගේ ගෙදරින් ආවානේ. අපි ආවයින් පස්සේ දැං මනමාලිගේ අම්මා අප්පා කතා වෙනවලූ............


මේං මේකයි වෙලා තියන කතාව කෙටියෙන්ම කියනවා නම්. රොයිටර් පුවත් සේවය (මනමාලි) තමයි වාර්ථා කලේ....


නෝනේ අපි හිතන් හිටියාට වඩා ධනුෂ්ක ළමයගේ හැදියාව (අනේ මගේ කට) පවුල් පසුබිම එහෙම ගොඩක් හොදයි නෙව.


ඔව් අපේ මහත්තයා.... දැන් අපි ඒ ළමයා ගේ දිහා යන්න කතා කරගත්ත දිනේට යනවා නේද?


නොගිහින් කෝමද නෝනේ... අපි පොරොන්දු උනා නෙව. ගොහිල්ලා වැඩ කටයුතු එකලාසයක් කරලා දාමු ලබන අවුරුද්දේ මුල වගේ...


ඒක හොදයි අපේ මහත්තයා... දැන් ඉතිං පොඞ්ඩි තමයි..........


ඔය විදිය කතාව ඉවර උනාලූ... ඊලග සෙෂන් එක පටන් අරං තියෙන්නේ ? කැම කාලා ඉවර උනාට පස්සේලූ....


උපේ මහත්තයා....... ධනුෂ්ධ දරුවා එක්ක ආව අර කණ්නාඩි දාන දරුවා ගැන මොකද හිතෙන්නේ............. මේ මම කිව්වේ අපේ පොඩි කෙලිට..............................


ඛවුද අර..... බූටි කියලා කතා කරපු ළමයද...........?


හ්ම්..............


ඒ දරුවත් වරදක් නෑ වගේ පේන්නේ.......... ධනුෂ්ක ළමයාගේ ගෙදර ගියාම ඒකත් හිමීට ආරංචි කරලා බලමුකෝ..............


අප්පච්චී එයා බූටි නෙවෙයි නෝටි..... අනික ආරංචි කරලා බලන්න දෙයක් නෑ අප්පච්චි.... නෝටි දැනටමත් වෙන ගෑණූ ළමයෙක්ට ආදරේ කරනවා............


හොද වෙලාවට දිලූෂා මහ දෙන්නා ගේ කතාව ට හොරෙන් ඒරියල් එක දාන් ඉදලා තියෙන්නේ.... නැත්තං නෝටිට බඩු බනිස් වෙනවානේ....


ධනුෂ්කයාගේ මාමණ්ඩියා තමයි තේමණ්ඩියා.... මැන් හැදුවේ මට පොඩි කෙලිව ජොඩු කරන්න. මෑන්ස් දන්නැද්ද මංදා බහු භාරියා විවාහ දැන් ඔට්ටු නෑ කියලා.... ඒ මදිවට මගේ නමත් වෙනස් කරලා...බූටි..............!!!

අඩෝ තේ මණ්ඩි මම බූටි නෙවෙයි, මම නෝටි........