මුල්ම දවසේ... (*කෙනුත් හිනා)

මේ නෝටියා ලියන්න හදන්නේ ගිය අවුරුද්දේ නෝටියා ෆැකල්ටි අවුට් උන ගමන්ම වගේ (ට්‍රේනින් ප්ලේස් වලට යන්ට කලින්) මාසයක් විතර හක්කලන් ගහපු ගාමන්ට් පැට්ටේරියක වෙච්චි අලකලංචිය ලියන්න...

ඔන්න ඉතිං නෝටියගේ මවුතුමියගේ හැදුනුම් කමකින් නෝටියට එක ගාමන්ට් පැට්ටේරියක සෙට් උනා කියමුකේ ජොබක්... ඔන්න ඉතිං ගිය මුල්ම දවසේ නෝටියව නිකං කරකෝල අත්හැරිය වගේ... එක පාරටම චූං...! චූං...!! කියල මියුසික් එකක් යනවා, ඊට පස්සේ මෙන්න මොකෙක්ට හරි අහවල් තැනට එන්න කියල අනවුන්ස් කරනවා... එක කෙලියයි..!

ඔන්න ඉතිං සුට්ට වෙලාවකින් HR & Administrating Manager එක්ක කචබචයක් ගහලා Factory Manager එක්කත් කතා කොරලා ඔන්න නොටියාවත් දැම්ම IT Department  එකට. වැඩි හොදට කියලා Fac: Mana:  ගේ උපදෙස් පිට මුලටම නෝටියව දැම්මේ Pay-Roll  System එක study කරන්න කියලා ඒ වෙනකොට Pay-Roll System එක කොරපු  අලි ඔලුවෙන් හිටපු බවලතියෙක් ලගට. ඔන්න ඉතිං දැන් එකී නෝටියට මෙන්න මෙහෙම කියල දෙන්න පටාන් ගත්තා...( මම පහසුවට එතුමියට නිසංසලා කියලා කියන්නම්කෝ )

නිසංසලා : හොඳයි වැඩ පටන් ගන්න කලින් ඔයාට මම කවුද කියලා කියලා ඉන්නම්. මම නිසංසලා.මම මේ ගාමන්ට් ෆැක්ට්‍රි එකේ ටෙන් ඉයර්ස් වගේ වර්ක් කරනවා. Pay-Roll System එක මැනුවලි කරන කාලේ ඉදන් තමයි මම මේක කරන්නේ.

මම : හී හී... ( ගොනා සේ කර බාගෙන කියන දේ අසා සිටී...)

නිසංසලා : මගෙන් හැමදේම ඉගෙන ගන්න. කම්පියුටර් එහෙම පුලුවන්ද... එහෙං මෙහෙන් අතගාල වත් තියනවද...?

මම : එහෙං මෙහෙන් අතගාල යමක කරන්න බැරි වෙන එකක් නෑ... (ඒ වෙලාවේ මගේ හිනාව නතර කරලා දුන්න දෙවියනට පින් සිදු වේවා...!)

නිසංසලා : හරි ඉතිං මොනවා කරන්නද..? මුල ඉඳන්ම කියලා දෙන්නම්. දැන් ඉතිං වෙන මොනවා කරන්නද? අපේ බොස්ලාටත් පිස්සුද කොහෙද...? 

( PC එක shut Down කරයි) හරි... කම්පියුටර් එක On කරන්නේ කොහොමද කියලා කියන්න.

මම : අර බොත්තම ඔබලා නේද මිස්...? (UPS එකේ Power Button පෙන්වා.)

නිසංසලා : හී... හී... මෙයා නම් Pay-Roll ම කරයි. බ්ලා... බ්ලා... බ්ලා...!!! @$#@$!#@%@!

ඔය වෙලාවේ තමයි නෝටියා දිහා දෙයියා බලන්නේ.

හප්පට සිරි නෝටි මලයා...උබත් මෙතනට සෙට් උනාද... එල එල...!! (ගමගේ අයියා- ඇත්තම නම)

ඔව් අයියේ. 

දෙන දෙය්යා ඉල්ලන්නත් කලින් දුන්න වගේ. අපේ ෆැකල්ටි එකේ සීනියර් බැච් එකේ අයියා කෙනෙක්.

නිසංසලා : ගමගේ සර් මෙයාව දන්නවද...?

ගමයා අයියා : දන්නවද කියලත් අහනවා, අපේ කැම්පස් එකේ මල්ලි කෙනෙක්. අපේ ජුනියර් බැච් එකේ.

මම : හී හී... ! මේ මිස් මට හොඳට මට කියලා දෙන ගමන් හිටියේ.

ගමයා අයියා : එහෙනම් මල්ලි මම රූම් එකට යනවා. ඔය ටික Study කරගෙන මගේ රූම් එකට එන්න.අපි දෙන්නට තමයි එකට වැඩ කරන්න වෙන්නේ. 

නිසංසලා ඔය වැඩ ටික ඉවර උනාම Mr නෝටි ව අපේ Department එකට එකන් එන්න 

ගමයා අයියා එහෙම කියලා එයාගේ රූම් එකට ගියා කියමුකෝ ඊට පස්සේ.

නිසංසලා : ඔයා..... ගමගේ සර් ගේ....?

මම : Faculty of IT, UO*... ඔව් මිස් මම ගමගේ අයියගේ ජුනියර් බැච් එකේ

ඒ වෙලාවේ නම් නිසංසලාගේ මූණ බලන්න දුකා....යි....! මොනා කරන්නද ඉතිං එයානේ කුම්බලා කරෝල කෑවේ.

ප.ලි.

නෝටියා මේ කතා ලියන්නේ අපේ ගමයා අයියගේ අනු දැනුම මත,මම අන්වර්ථ නාමයකින් අදුන්වපු කෙනත් නෝටියගේ බ්ලොගය බලනවා කියලා දන්නවා.ඉතිං මම එතුමියට So sorry කියන්න අවස්තාවක් කරගන්නවා මේක. මොකද දන්නවද මිස් "නැති ලොකු කම පෙන්නන්න ගිහිල්ල ඔයයි ඉල්ලන් කෑවේ". 

මිස් නිසංසලා කවමදාක වත් කෙනෙක් හරියට නොදැන අඩු තක්සේරු කරන්න එපා. ඒකෙන් වෙන්නේ හානිය ඔයාටමයි. ඔයා එක්ක නම් නෝටිගේ කිසි තරහක් නෑ.

ප.ප.ලි.

දිග වැඩි උනාද මන්දා. රස කතා ඊළඟ පොස්ට් එකෙන් ලියන්නම්.

Coming Soon...!

හිටිය ගමන් කරන වැඩේ අමතක වෙන අමරේ

බෝල ලතා සමග නම ගිය චරිත.